ਦਲਜੀਤ ਦੁਸਾਂਝ ਨੇ ਫੋਨ ਸੁੱਟਣ ਵਾਲੇ ਨੂੰ ਗਿਫਟ ਕੀਤੀ ਆਪਣੀ ਜੈਕਟ
ਪੈਰਿਸ/ਬਿਊਰੋ ਨਿਊਜ਼ : ਪੈਰਿਸ ’ਚ ਪੰਜਾਬੀ ਗਾਇਕ ਦਲਜੀਤ ਦੁਸਾਂਝ ’ਤੇ ਇਕ ਸਟੇਜ ਪ੍ਰੋਗਰਾਮ ਦੌਰਾਨ ਇਕ ਵਿਅਕਤੀ ਨੇ ਫੋਨ ਸੁੱਟ ਦਿੱਤਾ। ਜਿਸ ਵਿਅਕਤੀ ਵੱਲੋਂ ਸਟੇਜ ’ਤੇ ਫੋਨ ਸੁੱਟਿਆ ਗਿਆ ਸੀ ਉਸ ਨੂੰ ਗਾਇਕ ਦਲਜੀਤ ਦੁਸਾਂਝ ਨੇ ਦੇਖ ਲਿਆ ਅਤੇ ਗਾਇਕ ਨੇ ਉਸ ਨੂੰ ਸਮਝਾਇਆ ਕਿ ਇਸ ਤਰ੍ਹਾਂ ਨਾ ਕਰੋ, ਹਮੇਸ਼ਾ ਪਿਆਰ ਹੀ ਵੰਡਿਆ ਕਰੋ। ਫਿਰ ਦਲਜੀਤ ਦੁਸਾਂਝ ਨੇ ਆਪਣੀ ਜੈਕਟ ਸਟੇਜ ’ਤੇ ਫੋਨ ਸੁੱਟਣ ਵਿਅਕਤੀ ਨੂੰ ਗਿਫਟ ਕਰ ਦਿੱਤੀ। ਘਟਨਾ 19 ਸਤੰਬਰ ਦੀ ਦੱਸੀ ਜਾ ਰਹੀ ਹੈ ਜਦੋਂ ਦਿਲਜੀਤ ਦੁਸਾਂਝ ਸਟੇਜ ’ਤੇ ਆਪਣੀ ਪ੍ਰਫਾਰਮੈਂਸ ਦੇ ਰਹੇ ਸਨ। ਸਟੇਜ ’ਤੇ ਫੋਨ ਸੁੱਟਣ ਦਾ ਇਕ ਵੀਡੀਓ ਵੀ ਸਾਹਮਣੇ ਆਇਆ ਹੈ ਜਦਕਿ ਗਾਇਕ ਦਲਜੀਤ ਦੁਸਾਂਝ ਜਾਂ ਉਸ ਦੀ ਟੀਮ ਵੱਲੋਂ ਇਸ ਸਬੰਧੀ ਕੋਈ ਬਿਆਨ ਨਹੀਂ ਦਿੱਤਾ ਗਿਆ। ਧਿਆਨ ਰਹੇ ਕਿ ਕੁੱਝ ਦਿਨ ਪਹਿਲਾਂ ਪੰਜਾਬੀ ਗਾਇਕ ਕਰਨ ਔਜਲਾ ’ਤੇ ਲੰਡਨ ’ਚ ਇਕ ਪ੍ਰੋਗਰਾਮ ਦੌਰਾਨ ਜੁੱਤਾ ਸੁੱਟਿਆ ਗਿਆ ਸੀ।
