ਦੀਪਕੇ ਦੇ ਮਾਪਿਆਂ ਦਾ ਕਹਿਣਾ : ਰਾਜਨੀਤੀ ਛੱਡ ਕੇ ਨੌਕਰੀ ਕਰੇ ਸਾਡਾ ਪੁੱਤਰ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
‘ਕਾਕਰੋਚ ਜਨਤਾ ਪਾਰਟੀ’ ਦੇ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਪ੍ਰਸਿੱਧ ਹੋਣ ਦੇ ਮੱਦੇਨਜ਼ਰ ਇਸਦੇ ਸੰਸਥਾਪਕ ਅਭੀਜੀਤ ਦੀਪਕੇ ਦੇ ਮਾਤਾ-ਪਿਤਾ ਨੂੰ ਇਹ ਡਰ ਸਤਾਉਣ ਲੱਗਾ ਹੈ ਕਿ ਉਨ੍ਹਾਂ ਦਾ ਪੁੱਤਰ ਮੁਸੀਬਤ ਵਿਚ ਪੈ ਸਕਦਾ ਹੈ ਜਾਂ ਉਸ ਨੂੰ ਗਿ੍ਰਫਤਾਰ ਵੀ ਕੀਤਾ ਜਾ ਸਕਦਾ ਹੈ। ‘ਕਾਕਰੋਚ ਜਨਤਾ ਪਾਰਟੀ’ ਨੂੰ ਇਕ ਹਫਤਾ ਪਹਿਲਾਂ ਹੀ ਬੋਸਟਨ ਯੂਨੀਵਰਸਿਟੀ ਦੇ ਵਿਦਿਆਰਥੀ ਅਭੀਜੀਤ ਨੇ ਸ਼ੁਰੂ ਕੀਤਾ ਸੀ। ਇੰਸਟਾਗ੍ਰਾਮ ’ਤੇ ਇਸ ਸੰਗਠਨ ਦੇ ਹੁਣ ਤੱਕ 1 ਕਰੋੜ 90 ਲੱਖ ਤੋਂ ਵੱਧ ‘ਫਾਲੋਅਰ’ ਹਨ। ਇਸ ਤੋਂ ਪਹਿਲਾਂ ਦੀਪਕੇ ਆਮ ਆਦਮੀ ਪਾਰਟੀ ਨਾਲ ਜੁੜੇ ਰਹੇ ਹਨ। ਮਹਾਰਾਸ਼ਟਰ ਵਿਚ ਰਹਿ ਰਹੇ ਦੀਪਕੇ ਦੇ ਮਾਪਿਆਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦਾ ਪੁੱਤਰ ਰਾਜਨੀਤੀ ਛੱਡ ਕੇ ਨੌਕਰੀ ਕਰੇ। ਉਨ੍ਹਾਂ ਕਿਹਾ ਕਿ ਸੋਸ਼ਲ ਮੀਡੀਆ ਉਤੇ ‘ਕਾਕਰੋਚ ਜਨਤਾ ਪਾਰਟੀ’ ਦੇ ਵਧਦੇ ਪ੍ਰਭਾਵ ਨੇ ਉਨ੍ਹਾਂ ਨੂੰ ਚਿੰਤਤ ਕਰ ਦਿੱਤਾ ਹੈ।  ਜ਼ਿਕਰਯੋਗ ਹੈ ਕਿ ਭਾਰਤ ਦੇ ਚੀਫ ਜਸਟਿਸ ਸੂਰਿਆ ਕਾਂਤ ਦੀ ਉਸ ਟਿੱਪਣੀ ਤੋਂ ਬਾਅਦ ‘ਕਾਕਰੋਚ ਜਨਤਾ ਪਾਰਟੀ’ ਹੋਂਦ ਵਿਚ ਆਈ, ਜਿਸ ਵਿਚ ਉਨ੍ਹਾਂ ਨੇ ਸੀਨੀਆਰਤਾ ਦੀ ਮੰਗ ਕਰ ਰਹੇ ਇਕ ਵਕੀਲ ਨਾਲ ਨਰਾਜ਼ਗੀ ਜਤਾਉਂਦੇ ਹੋਏ ‘ਪਰਜੀਵੀ’ ਅਤੇ ‘ਕਾਕਰੋਚ’ ਵਰਗੇ ਸ਼ਬਦਾਂ ਦੀ ਵਰਤੋਂ ਕੀਤੀ ਸੀ।  

New Delhi : ਦੇਸ਼ ਵਿੱਚ ਵਰਤੀ ਜਾਣ ਵਾਲੀ LPG ਗੈਸ ਨੂੰ ਲੈ ਕੇ ਆਉਣ ਵਾਲੇ ਸਮੇਂ ਵਿੱਚ ਵੱਡਾ ਬਦਲਾਅ ਵੇਖਣ ਨੂੰ ਮਿਲ ਸਕਦਾ ਹੈ। ਸਰਕਾਰ ਜਲਦ ਹੀ LPG ਵਿੱਚ ਸਿੰਥੇਟਿਕ ਫਿਊਲ Dimethyl Ether ਯਾਨੀ DME ਦੀ ਬਲੈਂਡਿੰਗ ਲਈ ਰੋਡਮੈਪ ਤਿਆਰ ਕਰ ਸਕਦੀ ਹੈ।ਇਸ ਦਿਸ਼ਾ ਵਿੱਚ ਵੱਡਾ ਸੰਕੇਤ ਉਸ ਵੇਲੇ ਮਿਲਿਆ ਜਦੋਂ ਬਿਊਰੋ ਆਫ ਇੰਡਿਅਨ ਸਟੈਂਡਰਡਜ਼ ਯਾਨੀ BIS ਨੇ Dimethyl Ether ਅਤੇ LPG ਬਲੈਂਡਿੰਗ ਲਈ ਸਟੈਂਡਰਡ ਜਾਰੀ ਕਰ ਦਿੱਤੇ। ਹੁਣ ਤਕਨੀਕੀ ਪੱਧਰ ‘ਤੇ LPG ਅਤੇ DME ਨੂੰ ਮਿਲਾਉਣ ਦੀ ਪ੍ਰਕਿਰਿਆ ਲਈ ਨਿਯਮਾਂ ਦੀ ਬੁਨਿਆਦ ਤਿਆਰ ਹੋ ਚੁੱਕੀ ਹੈ।

New Delhi : ਸ਼ੇਅਰ ਬਾਜ਼ਾਰ ਵਿੱਚ ਤੇਜ਼ੀ ਅਤੇ ਗਿਰਾਵਟ ਦੇ ਮਾਹੌਲ ਵਿਚਕਾਰ ਹੁਣ BSE ਨੇ ਕੁਝ ਚੁਣਿੰਦੇ ਸ਼ੇਅਰਾਂ ‘ਤੇ ਵੱਡਾ ਸਰਵੇਲੈਂਸ ਐਕਸ਼ਨ ਲਿਆ ਹੈ। ਐਕਸਚੇਂਜ ਨੇ ਕਈ ਸਮਾਲਕੈਪ ਅਤੇ ਘੱਟ ਲਿਕਵਿਡਿਟੀ ਵਾਲੇ ਸ਼ੇਅਰਾਂ ਵਿੱਚ ਸਰਕਿਟ ਫਿਲਟਰ ਘਟਾ ਦਿੱਤੇ ਹਨ। ਇਸਦੇ ਨਾਲ ਹੀ ਟ੍ਰੇਡ-ਟੂ-ਟ੍ਰੇਡ ਯਾਨੀ T2T ਸੈਗਮੈਂਟ ਨਾਲ ਜੁੜੇ ਨਿਯਮਾਂ ਬਾਰੇ ਵੀ ਨਿਵੇਸ਼ਕਾਂ ਨੂੰ ਅਲਰਟ ਕੀਤਾ ਗਿਆ ਹੈ।ਅਸਲ ਵਿੱਚ BSE ਸਮੇਂ-ਸਮੇਂ ‘ਤੇ ਉਹਨਾਂ ਸ਼ੇਅਰਾਂ ‘ਤੇ ਨਜ਼ਰ ਰੱਖਦਾ ਹੈ ਜਿੱਥੇ ਅਚਾਨਕ ਬਹੁਤ ਵੱਧ ਉਤਾਰ-ਚੜ੍ਹਾਅ, ਘੱਟ ਲਿਕਵਿਡਿਟੀ, ਅਸਧਾਰਣ ਵਾਲਿਊਮ ਜਾਂ ਸੱਟੇਬਾਜ਼ੀ ਵਰਗੀਆਂ ਗਤੀਵਿਧੀਆਂ ਨਜ਼ਰ ਆਉਂਦੀਆਂ ਹਨ। ਅਜਿਹੇ ਮਾਮਲਿਆਂ ਵਿੱਚ ਐਕਸਚੇਂਜ “ਪ੍ਰਾਈਸ ਕੰਟੇਨਮੈਂਟ ਮੈਜ਼ਰਜ਼” ਲਾਗੂ ਕਰਦਾ ਹੈ ਤਾਂ ਜੋ ਸ਼ੇਅਰਾਂ ਵਿੱਚ ਬੇਕਾਬੂ ਤੇਜ਼ੀ ਜਾਂ ਗਿਰਾਵਟ ਨੂੰ ਰੋਕਿਆ ਜਾ ਸਕੇ।