ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਹਫਤੇ ਦੇ ਪਹਿਲੇ ਦਿਨ ਅੱਜ ਸੋਮਵਾਰ ਨੂੰ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਐਮ.ਸੀ.ਐਕਸ. ’ਤੇ ਚਾਂਦੀ ਦੇ ਭਾਅ ਵਿੱਚ ਇੱਕ ਝਟਕੇ ਵਿੱਚ 27,000 ਰੁਪਏ ਪ੍ਰਤੀ ਕਿਲੋ ਦੀ ਕਮੀ ਆਈ, ਜਦਕਿ ਸੋਨਾ ਵੀ 14,000 ਰੁਪਏ ਤੋਂ ਵੱਧ ਸਸਤਾ ਹੋ ਗਿਆ। ਮਿਡਲ ਈਸਟ ਵਿੱਚ ਜੰਗ ਅਤੇ ਗਲੋਬਲ ਟੈਨਸ਼ਨ ਦੇ ਬਾਵਜੂਦ ਵੀ ਇਹ ਕੀਮਤੀ ਧਾਤਾਂ ਲਗਾਤਾਰ ਸਸਤੀਆਂ ਹੋ ਰਹੀਆਂ ਹਨ। ਅੱਜ ਸੋਮਵਾਰ ਨੂੰ ਐਮ.ਸੀ.ਐਕਸ. ’ਤੇ ਚਾਂਦੀ ਦੀ ਕੀਮਤ 2 ਲੱਖ ਰੁਪਏ ਪ੍ਰਤੀ ਕਿਲੋ ਤੋਂ ਹੇਠਾਂ ਆ ਗਈ। ਇਸ ਤਰ੍ਹਾਂ ਦੇ ਹਿਸਾਬ ਨਾਲ ਵੇਖੀਏ ਤਾਂ ਚਾਂਦੀ ਦੀ ਕੀਮਤ ਆਪਣੇ ਸਭ ਤੋਂ ਉੱਚੇ ਸਤਰ ਤੋਂ ਅੱਧ ਤੋਂ ਵੀ ਘੱਟ ਰਹਿ ਗਈ ਹੈ।