ਕਿਹਾ : ਸਿਆਸਤਦਾਨ ਅਜੇ ਵੀ ਕਰ ਰਹੇ ਹਨ ਵੋਟਾਂ ਦੀ ਰਾਜਨੀਤੀ

ਚੰਡੀਗੜ੍ਹ/ਬਿਊਰੋ ਨਿਊਜ਼ 

ਅਜਨਾਲਾ ਤੋਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਕੁਲਦੀਪ ਸਿੰਘ ਧਾਲੀਵਾਲ ਨੇ ਵਿਰੋਧੀ ਧਿਰ ਕਾਂਗਰਸ ’ਤੇ ਕੰਮ ਨਾ ਕਰਨ ਦੇਣ ਦੇ ਆਰੋਪ ਲਗਾਏ ਹਨ। ਹੜ੍ਹਾਂ ਸਬੰਧੀ ਗੱਲ ਕਰਦਿਆਂ ਧਾਲੀਵਾਲ ਨੇ ਕਰੀਬ 30 ਪਿੰਡਾਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਲੋਕਾਂ ਦੇ ਖੇਤ ਰੇਤਾ ਨਾਲ ਢੱਕੇ ਹੋਏ ਹਨ ਅਤੇ ਇਹ ਖੇਤ ਮਾਰੂਥਲ ਬਣ ਗਏ ਹਨ। ਉਨ੍ਹਾਂ ਕਿਹਾ ਕਿ ਹੜ੍ਹਾਂ ਨੇ ਲੋਕਾਂ ਦੇ ਘਰਾਂ ਅਤੇ ਖੇਤਾਂ ਨੂੰ ਬਹੁਤ ਨੁਕਸਾਨ ਪਹੁੰਚਾਇਆ ਹੈ, ਪਰ ਸਿਆਸਤਦਾਨ ਅਜੇ ਵੀ ਵੋਟ-ਪ੍ਰੇਰਿਤ ਰਾਜਨੀਤੀ ਖੇਡ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਕਈ ਸੂਬਿਆਂ ਦੇ ਸਮਾਜ ਸੇਵੀ ਮੱਦਦ ਲਈ ਆਏ, ਪਰ 75 ਸਾਲ ਰਾਜ ਕਰਨ ਵਾਲਿਆਂ ਨੇ ਧੱਕੇਸ਼ਾਹੀ ਹੀ ਕੀਤੀ ਹੈ।