ਮਹਿੰਦਰਾ ਅਤੇ ਟੋਇਟਾ ਦੀ ਵਿਕਰੀ ਵੀ 11 ਫੀਸਦੀ ਵਧੀ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਆਟੋ ਮੋਬਾਇਲ ਕੰਪਨੀਆਂ ਨੇ ਅੱਜ 1 ਜੂਨ ਨੂੰ ਮਹੀਨਾਵਾਰ ਸੇਲਜ਼ ਰਿਪੋਰਟ ਜਾਰੀ ਕਰ ਦਿੱਤੀ ਹੈ। ਮਈ ਮਹੀਨੇ ਦੌਰਾਨ ਮਾਰੂਤੀ ਸੁਜੂਕੀ ਨੇ ਕੁੱਲ 2 ਲੱਖ 32 ਹਜ਼ਾਰ 688 ਗੱਡੀਆਂ ਵੇਚੀਆਂ ਹਨ। ਇਹ ਗਿਣਤੀ ਮਈ 2025 ਵਿਚ ਵੇਚੀਆਂ ਗਈਆਂ 1 ਲੱਖ 80 ਹਜ਼ਾਰ 77 ਗੱਡੀਆਂ ਦੇ ਮੁਕਾਬਲੇ 34 ਫੀਸਦੀ ਜ਼ਿਆਦਾ ਹਨ। ਇਹ ਭਾਰਤ ਵਿਚ ਕਿਸੇ ਵੀ ਕੰਪਨੀ ਵਲੋਂ ਇਕ ਮਹੀਨੇ ਵਿਚ ਸਭ ਤੋਂ ਜ਼ਿਆਦਾ ਗੱਡੀਆਂ ਵੇਚਣ ਦਾ ਨਵਾਂ ਰਿਕਾਰਡ ਹੈ। ਕੰਪਨੀ ਦੀ ਗਰੋਥ ਵਿਚ ਭਾਰਤੀ ਬਜ਼ਾਰ ਦੇ ਨਾਲ-ਨਾਲ ਵਿਦੇਸ਼ਾਂ ਵਿਚ ਹੋਣ ਵਾਲੇ ਐਕਸਪੋਰਟ ਦਾ ਵੀ ਵੱਡਾ ਯੋਗਦਾਨ ਹੈ। ਇਸੇ ਦੌਰਾਨ ਹੁੰਡਈ ਨੇ ਮਈ ਮਹੀਨੇ ਵਿਚ ਪੂਰੇ ਭਾਰਤ ’ਚ 9 ਫੀਸਦੀ ਗਰੋਥ ਦੇ ਨਾਲ 47 ਹਜ਼ਾਰ 837 ਅਤੇ ਮਹਿੰਦਰਾ ਨੇ 11 ਫੀਸਦੀ ਗਰੋਥ ਦੇ ਨਾਲ 58 ਹਜ਼ਾਰ 21 ਕਾਰਾਂ ਜ਼ਿਆਦਾ ਵੇਚੀਆਂ ਹਨ।