ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਦਾ ਸਿਲਸਿਲਾ ਜਾਰੀ ਹੈ। ਇਸ ਹਫਤੇ ਦੇ ਸ਼ੁਰੂਆਤੀ ਦੋ ਕਾਰੋਬਾਰੀ ਦਿਨਾਂ ਵਿੱਚ ਮਲਟੀ ਕਮੋਡਿਟੀ ਐਕਸਚੇਂਜ ’ਤੇ ਚਾਂਦੀ ਦੇ ਵਾਇਦਾ ਭਾਅ ਵਿੱਚ 8 ਹਜ਼ਾਰ ਰੁਪਏ ਤੋਂ ਵੱਧ ਦੀ ਗਿਰਾਵਟ ਆ ਚੁੱਕੀ ਹੈ। ਅੱਜ ਮੰਗਲਵਾਰ ਨੂੰ ਵੀ ਓਪਨਿੰਗ ਦੇ ਨਾਲ ਹੀ ਇਹ ਕੀਮਤੀ ਧਾਤੂ ਹੋਰ ਫਿਸਲ ਗਈ। ਇਸ ਤਾਜ਼ਾ ਗਿਰਾਵਟ ਤੋਂ ਬਾਅਦ ਆਪਣੇ ਲਾਈਫ ਟਾਈਮ ਹਾਈ ਲੈਵਲ ਨਾਲੋਂ 1 ਕਿਲੋਗ੍ਰਾਮ ਚਾਂਦੀ 2 ਲੱਖ 14 ਹਜ਼ਾਰ ਰੁਪਏ ਤੋਂ ਵੱਧ ਸਸਤੀ ਹੋ ਚੁੱਕੀ ਹੈ। ਸੋਨਾ ਹਫਤੇ ਦੇ ਦੂਜੇ ਦਿਨ ਮਲਟੀ ਕਮੋਡਿਟੀ ਐਕਸਚੇਂਜ ’ਤੇ ਕਾਰੋਬਾਰ ਦੀ ਸ਼ੁਰੂਆਤ ਨਾਲ ਹੀ ਫਿਸਲ ਗਿਆ। ਹਾਲਾਂਕਿ ਕੁਝ ਸਮੇਂ ਬਾਅਦ ਇਸ ਵਿੱਚ ਹਲਕੀ ਤੇਜ਼ੀ ਵੀ ਦੇਖਣ ਨੂੰ ਮਿਲੀ। ਇਸ ਦੇ ਬਾਵਜੂਦ ਇਹ ਕੀਮਤੀ ਪੀਲੀ ਧਾਤ ਆਪਣੇ ਹਾਈ ਲੈਵਲ ਤੋਂ ਹੁਣ ਵੀ 53 ਹਜ਼ਾਰ ਰੁਪਏ ਪ੍ਰਤੀ 10 ਗਰਾਮ ਤੋਂ ਵੱਧ ਸਸਤੀ ਮਿਲ ਰਹੀ ਹੈ।